തൊബാമ റിവ്യൂ

അൽഫോൻസ് പുത്രന്റെ സഹസംവിധായകനായിരുന്ന മൊഹ്സിൻ കാസിം ആദ്യമായി തിരക്കഥയെഴുതി സംവിധാനം‌ ചെയ്യുന്ന ചിത്രമാണ്‌ ‘തൊബാമ’. സിജു‌ വിൽസൺ, കിച്ചു, ഷറഫുദ്ദീൻ എന്നിവരെ കേന്ദ്രകഥാപാത്രങ്ങളാക്കി അൽഫോൻസ് പുത്രനും സുകുമാർ തെക്കെപ്പാടും‌ ചേർന്നാണ് ചിത്രം നിർമ്മിക്കുന്നത്.

തൊമ്മി, ബാലു, മമ്മു എന്നിവരുടെ പേരിന്റെ ആദ്യാക്ഷരങ്ങൾ കൂട്ടിയിണക്കിയതാണ് തൊബാമ‌. 2006-2007ലാണ്‌ കഥ നടക്കുന്നത്. മൂവരും ചെറുപ്പക്കാർ. സുഹ്രുത്തുക്കൾ. തൊമ്മിക്ക്(ഷറഫ്) എങ്ങനെയെങ്കിലും പണമുണ്ടാക്കണമെന്ന ആഗ്രഹമേ ഉള്ളൂ..അതിനവൻ പലവഴികളും‌ നടത്തുന്നു.‌ ബാലു(സിജു) എം.കോമിനു പഠിക്കുകയാണ്, പ്രത്യേകിച്ച് ലക്ഷ്യങ്ങളൊന്നുമില്ലെങ്കിലും അവൻ കൂട്ടുക്കാരുടെ ഒപ്പമുണ്ട് എപ്പോഴും. മമ്മുവിന്റെ(കിച്ചു) ആഗ്രഹം ഒരു സിനിമാനടനാകുക എന്നതാണ്. ഇവരുടെ കഥയാണ് തൊബാമയിലൂടെ പറയുന്നത്.‌ മൂവർ സംഘത്തിന്റെ ആഗ്രഹങ്ങളും, ലക്ഷ്യങ്ങളും, സൗഹൃദവുമൊക്കെ വിഷയങ്ങളാക്കി‌ അവതരിപ്പിച്ചിരിക്കുന്ന ഒരു ചിത്രം.

പുതുമ അവകാശപ്പെടുന്ന കഥയോ കഥാപാത്രങ്ങളോ സിനിമയിൽ ഇല്ല. സ്ഥിരം കാഴ്ചകളായ മൂവർ സുഹൃത്ത് സംഘം, അവരുടെ പ്രശ്നങ്ങൾ, പാച്ചിലുകൾ‌ എന്നിവയൊക്കെ കുത്തിനിറച്ച് വിളമ്പിയിരിക്കുന്ന ഒരു അവിയലാണ് തൊബാമ. അൽഫോൻസ് പുത്രന്റെ മെയ്കിങ് സ്റ്റൈൽ, അവതരണം എന്നിവയുടെ പ്രചോദനം അനുഭവപ്പെടുന്നുണ്ട്. പ്രത്യേകിച്ച് കഥയൊന്നുമില്ലെങ്കിൽ പോലും‌, തന്മയ്വത്തമുള്ള ചില തമാശകളിലൂടെ, സന്ദർഭങ്ങളിലൂടെ സിനിമ ആവേശം‌ ജനിപ്പിക്കുന്നുണ്ട്. നിത്യ എന്ന നായികാ വേഷം ചെയ്തിരിക്കുന്ന നടിക്ക്‌ സിനിമയിൽ കാര്യമായൊന്നും ചെയ്യാനില്ലെങ്കിൽ കൂടി, നിരാശപ്പെടുത്തിയില്ല. മറ്റു താരങ്ങളും പുതുമുഖങ്ങളും‌ അവരുടെ വേഷങ്ങൾ ഭംഗിയായി ചെയ്തിട്ടുണ്ട്.

രണ്ടര മണികൂർ വലിച്ചുനീട്ടിയൊരു‌ ചെറിയ കഥയാണ് തൊബാമ.‌ സെക്കന്റ് ഹാഫ് കാഴ്ചക്കാരിൽ‌ മുഷിപ്പ് സൃഷ്ടിക്കുകയും ചെയ്യുന്നു. ചില രംഗങ്ങൾ, അനാവശ്യ വിവരണം എന്നിവ ഒഴിവാക്കാമായിരുന്ന് വെന്ന് തോന്നി. പ്രേക്ഷകനെ ത്രില്ല് അടിപ്പിക്കുന്ന വിധത്തിൽ സിനിമ സഞ്ചരിക്കുന്നില്ല. കൂടാതെ കഥാപാത്രങ്ങൾ പിടിച്ചിരുത്തുകയും ചെയ്യുന്നില്ല. ഭംഗിയുള്ള ക്യാമറ കാഴ്ചകൾ സിനിമയിൽ ഉടനീളമുണ്ട്.

റാഫി, രാജേഷ് ശർമ്മ, ശബരീഷ് വർമ്മ തുടങ്ങിയവരും സിനിമയിൽ പ്രധാനപ്പെട്ട വേഷങ്ങൾ കൈകാര്യം ചെയ്യുന്നുണ്ട്. സ്വഭാവികമായ ആക്റ്റിങ്, അവതരണം, സംഭാഷണം ഇതൊക്കെ തൊബാമയ്ക്ക് അവകാശപ്പെടാം. എന്നാൽ പ്രേക്ഷകനെ മടുപ്പിക്കുന്ന വിധത്തിലുള്ള‌ കഥപറച്ചിലാണ് ആകെയുള്ള‌ വിലങ്ങുതടി സൗഹൃദത്തിന് പ്രാധാന്യം നൽകി അവതരിപ്പിച്ചിരിക്കുന്ന ഒരു തിരക്കഥയാണ് തൊബാമയ്ക്കുള്ളത്.

Average

തൊബാമ റിവ്യൂ

About The Author
-

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>